ദണ്ഡകാരണ്യം ചുവക്കുന്നത് ആര്ക്കുവേണ്ടി?
കേന്ദ്രത്തിന്െറയും സംസ്ഥാനത്തിന്െറയും സായുധസേനകള് ദണ്ഡകാരണ്യം അരിച്ചുപെറുക്കുകയാണ് മാവോയിസ്റ്റ് ഒളിപ്പോരാളികള്ക്കുവേണ്ടി. ഓപ്പറേഷന് ഗ്രീന് ഹണ്ട്- ഹരിതവേട്ട. ഈയുദ്ധത്തിന്റെ യഥാര്ഥ ലക്ഷ്യം രാഷ്ട്രത്തിന്െറ സുരക്ഷയായാലും കോര്പ്പറേറ്റ് കമ്പനികളുടെ താത്പര്യങ്ങളായാലും മരിക്കുന്നത് പാവപ്പെട്ടവര് മാത്രമാണ്. സൈനികനടപടികള് ശക്തമാക്കുമെന്നു പറയുമ്പോള് കൂടുതല് ജവാന്മാര്, കൂടുതല് ജനങ്ങള്, കൂടുതല് മാവോയിസ്റ്റുകള് കൊല്ലപ്പെടുമെന്നുതന്നെയാണ് അര്ഥം. കഴിഞ്ഞ അഞ്ചുവര്ഷത്തിനുള്ളില് മാത്രം 4500-ഓളംപേര്ക്ക് ജീവന് നഷ്ടപ്പെട്ടിട്ടുണ്ട്. .
നാം നമ്മെത്തന്നെ വേട്ടയാടുമ്പോള്
ഛത്തിസ്ഗഢിലെ ദന്തേവാഡ ജില്ലയില് മാവോവാദികളുടെ ആക്രമണത്തില് 76 സുരക്ഷാഭടന്മാര് ഒന്നിച്ചു കൊല്ലപ്പെട്ടിട്ടും കേന്ദ്ര ആഭ്യന്തരമന്ത്രി പി. ചിദംബരത്തിന് വലിയ കുലുക്കമൊന്നുമില്ല. ഇടതുപക്ഷ തീവ്രവാദം ശക്തിപ്പെട്ട മറ്റു സ്ഥലങ്ങളിലെന്നപോലെ, ദന്തേവാഡ ഉള്പ്പെടുന്ന ബസ്തര്മേഖലയിലും വികസനത്തിന്റെ കാര്യത്തില് സര്ക്കാര് കാണിച്ച അവഗണനയാണ് നക്സലിസം ശക്തിപ്പെടാന് കാരണമായത്.
അവര് ഇപ്പോഴും അപേക്ഷാ ഫോറങ്ങള് പൂരിപ്പിക്കുകയാണ്
ലോകത്തിലെതന്നെ ഏറ്റവും വലിയ വ്യവസായ ദുരന്തത്തിന്റെ കെടുതികള് അനുഭവിക്കുന്ന പുരാനി ഭോപ്പാലിലെ ജനങ്ങളുടെ ഇന്നത്തെ അവസ്ഥയെന്താണ്? തലമുറകള് കടന്നും ദുരന്തഫലങ്ങള് ഇവരെ വേട്ടയാടുമ്പോള് യൂണിയന് കാര്ബൈഡിന്റെ പുതിയ ഉടമകളായ ഡൗ കെമില്ക്കസിനെ നിയമബാധ്യതകളില് നിന്ന് ഒഴിവാക്കി ഇന്ത്യയിലേക്ക് ക്ഷണിക്കുകയാണ് കേന്ദ്രസര്ക്കാര്. ഭോപ്പാലിന്റെ സമകാലിക അവസ്ഥയുടെ ദൈന്യത, സാമ്പത്തിക ഉദാരീകരണ നയങ്ങള് എങ്ങനെ രൂക്ഷമാക്കുന്നുവെന്ന് അന്വേഷിക്കുകയാണ് ഈയിടെ ഭോപ്പാല് സന്ദര്ശിച്ച ലേഖിക.
ഞങ്ങള് മരിച്ചുകൊണ്ടിരുന്നപ്പോള് ലോകം മൗനം പാലിച്ചു
1967 മുതല് 70 വരെയുളള മൂന്നു വര്ഷക്കാലം നൈജീരിയയിലെ ബിയാഫ്രയില് നടന്ന ആഭ്യന്തരയുദ്ധമാണ് നോവലിന്റെ ഇതിവൃത്തം. വരള്ച്ചയും ക്ഷാമവും പട്ടിണിയുംകൊണ്ടു ബിയാഫ്രന് ജനത പൊറുതിമുട്ടിയപ്പോള് പുറംലോകം അതു വെറുതെ നോക്കിനിന്നു. ഒടുവില് ലോകത്തിന്റെ ഓര്മകളില്നിന്നുപോലും അതു തുടച്ചുനീക്കപ്പെട്ടു. യുദ്ധത്തെ അതിജീവിച്ച കുറെ മനുഷ്യരുടെ ഓര്മകളില് നിന്നാണ് ചിമമാന്ഡ താന് ജനിക്കുന്നതിനു മുമ്പു സംഭവിച്ച ഈ ദുരന്തത്തെ പുനര്നിര്മിക്കുന്നത്.
"അക്രമം ആരുടേതായാലും അംഗീകരിക്കാനാവില്ല"
'ഒരുഘട്ടത്തിലും ഞാന് മാവോയിസ്റ്റുകളെ ന്യായീകരിച്ചിട്ടില്ല. മാത്രമല്ല, മാവോയിസ്റ്റുകള് നടത്തുന്ന ആക്രമണങ്ങളെ ഞാന് പരസ്യമായി വിമര്ശിക്കുന്നുമുണ്ട്. അക്രമങ്ങള് കൂടുതല് അക്രമത്തിനു മാത്രമേ വഴിവെക്കൂ. അക്രമം നടത്തുന്നത് ഭരണകൂടമായാലും മറ്റേതു വിഭാഗമായാലും അത് വലയന്സ് തന്നെയാണ്. ഒന്നിനെ മറ്റൊന്നില് നിന്നു തരംതിരിച്ചു ന്യായീകരിക്കുന്നതില് അര്ത്ഥമില്ല. നമ്മുടെ സമൂഹം എക്കാലത്തും ഒന്നല്ലെങ്കില് മറ്റൊരു തരത്തില് വയലന്റ് തന്നെയായിരുന്നു. യുദ്ധങ്ങളുടെയും കീഴടക്കലുകളുടെയും ചരിത്രം തന്നെയാണ് നമുക്കുളളത്. ജാതി, വര്ഗം, മതം, ജെന്ഡര് തുടങ്ങി എല്ലാ കാര്യത്തിലും നമ്മുടെ സൊസൈറ്റി വയലന്റാണ്.'
കുട്ടികള് സത്യം അറിയട്ടെ
ലോകത്ത് ഏറ്റവും കൂടുതല് കുട്ടികളുളള രാജ്യമാണ് ഇന്ത്യ-44 കോടി കുട്ടികള്. അഞ്ചു വയസിനു താഴെ 15 കോടിയിലേറെ കുട്ടികള്. കുട്ടികളുടെ ദുരവസ്ഥ ഒരു ഉത്തരേന്ത്യന് കഥയൊന്നുമല്ല. കേരളത്തില് ശിശു മരണനിരക്കും മാതൃ മരണനിരക്കും കുറവാണെന്നത് ശരിതന്നെ. പക്ഷേ, സംസ്ഥാനത്തെ 40 ലക്ഷം കുട്ടികളില് വലിയൊരു ഭാഗം സാമൂഹികവും സാമ്പത്തികവുമായി മോശപ്പെട്ട സാഹചര്യത്തിലാണ് ജീവിക്കുന്നതെന്ന് ആസൂത്രണ ബോര്ഡിന്റെ "ഇക്കണോമിക് റിവ്യു'വില് തന്നെ പറയുന്നു.
മുങ്ങിപ്പോയോ നമ്മുടെ നെല്വയല് ബില്ല്?
നെല്വയലുകള് ഒരു നിയന്ത്രണവുമില്ലാതെ നികത്തിക്കൊണ്ടിരിക്കുന്നതു തടയാന് സംസ്ഥാനസര്ക്കാര് കഴിഞ്ഞ വര്ഷം കേരള നെല്വയല്- നീര്ത്തട സംരക്ഷണ ബില് എന്ന പേരില് ഒരു കരടുനിയമത്തിനു രൂപം നല്കിയിരുന്നു. പാടങ്ങള് ഇല്ലാതായിക്കൊണ്ടിരിക്കുന്നത് ജനങ്ങളുടെ ഭക്ഷ്യസുരക്ഷിതത്വത്തെയും ജലലഭ്യതയെയും പരിസ്ഥിതിയെയും തീര്ത്തും അപകടത്തിലാക്കിക്കഴിഞ്ഞുവെന്ന് വളരെ വൈകിയാണെങ്കിലും ബോധ്യമായതിനെത്തുടര്ന്നായിരുന്നു ഈ നടപടി. തുടര്ന്ന്, സംസ്ഥാനത്തിന്റെ പലഭാഗങ്ങളിലും ചര്ച്ചകളും അഭിപ്രായസ്വരൂപണവും നടന്നു.
കേന്ദ്രത്തിന്റെ ബയോടെക് ഭീകരവാദം
ജി.എം. വിമുക്തകേരളം എന്നത് ദേശീയ മാധ്യമങ്ങളുടെ ശ്രദ്ധ പിടിച്ചുപറ്റിയ ഒരു വാര്ത്തയായിരുന്നു. എന്നാല്, ഇത്തരമൊരു നിലപാടില് അധികകാലം തുടരാന് കേരളത്തിനെന്നല്ല ഒരു സംസ്ഥാനത്തിനും ഇനി കഴിയുമെന്നു തോന്നുന്നില്ല.
കൊക്കകോളയ്ക്ക് ഒരു സി.ഡി.എസ്. ഊന്നുവടി
പ്ലാചിമടയിലെ ഭൂജലശോഷണത്തിനു കാരണമെന്ത്? കൊക്കകോള കമ്പനി? ആവാം, ആയിരിക്കാം. എന്നാല് ഏതാണ്ട് തുല്യ ഉത്തരവാദിത്വമാണത്രെ പ്ലാച്ചിമടയിലെ കര്ഷകര്ക്കും.
പെപ്സിയെ എന്തിന് സംരക്ഷിക്കണം?
പാലക്കാട്ടെ പുതുശ്ശേരി പഞ്ചായത്തില് പ്രവര്ത്തിക്കുന്ന പെപ്സി കോള കമ്പനി എത്രമാത്രം ഭൂജലം ഉപയോഗിക്കുന്നുവെന്ന് പരിശോധിക്കാനും അതിന്റെ പ്രത്യാഘാതങ്ങള് വിലയിരുത്താനും കഴിഞ്ഞ ഏപ്രിലില് സംസ്ഥാന സര്ക്കാര് ഒരു വിദഗ്ധ സമിതിയെ നിയോഗിച്ചിരുന്നു. ഭൂജലവകുപ്പിലെ നാല് ഹൈഡ്രോളജിസ്റ്റുകളടക്കം ആറു സാങ്കേതികവിദഗ്ധര് അംഗങ്ങളായ ഈ സമിതി മൂന്നു മാസത്തെ വിശദമായ പഠനത്തിനുശേഷം റിപ്പോര്ട്ട് സമര്പ്പിച്ചു.
അയ്യപ്പന്റെ പൂങ്കാവനത്തില് പ്ലാസ്റ്റിക് പൂത്തുലയുന്നു
ലക്ഷക്കണക്കിനു ഭക്തരുടെ ഇഷ്ട ദൈവം തികച്ചും മലീമസംഅയ അന്തരീക്ഷത്തില്, കെണിയില് അകപ്പെട്ട് 'ബന്ധനസ്ഥനായ അയ്യപ്പനായി' ഞെരുങ്ങി മരുവുന്നു. ഒരു ശബരിമല യാത്ര. വിവരണം
"പട്ടയെട്ത്ത മരക നന്ത് പോക പോലെ''.........
അട്ടപ്പാടി സമ്പൂര്ണ മദ്യനിരോധിത മേഖലയാണ്. കേരളത്തില് ചാരായനിരോധനം ഏര്പ്പെടുത്തുന്നതിന് ഒരു കൊല്ലം മുമ്പ്, 1995 ഏപ്രില് ഒന്നിന്, അട്ടപ്പാടിയിലെ 35 ചാരായഷാപ്പുകളും 15 കളളുഷാപ്പുകളും അടച്ചുപൂട്ടിയിരുന്നു. വന്തവാസികളോടൊപ്പം മലകയറിവന്ന വാറ്റുചാരായം ആദിവാസി ജീവിതങ്ങളെ പൂര്ണമായി ഗ്രസിച്ചു കഴിഞ്ഞുവെന്ന് വൈകിയാണെങ്കിലും മനസിലാക്കിയപ്പോഴാണ് ജില്ലാ ഭരണാധികാരികള് നിരോധ ഉത്തരവ് പുറപ്പെടുവിച്ചത്. പന്ത്രണ്ടു വര്ഷമായി നിരോധം നിലനില്ക്കുന്നുണ്ടെങ്കിലും ചാരായ പ്രശ്നങ്ങള് കുറഞ്ഞിട്ടില്ലെന്നു മാത്രമല്ല, ഓരോ വര്ഷം കഴിയുന്തോറും കൂടുതല് രൂക്ഷമാകുകയാണ്.
അടക്കംകൊല്ലികളും കടക്കെണികളും
മുന്വര്ഷങ്ങളിലെപ്പോലെ ഇത്തവണയും ജൂണ് 15നു തന്നെ സംസ്ഥാനത്ത് ട്രോളിംഗ് നിരോധനം നിലവില് വന്നിരിക്കെയാണ്. നിരോധന വാദപ്രതിവാദങ്ങള് പതിവുപോലെ പത്രങ്ങളിലും ചാനലുകളിലും വാര്ത്തകളായി. ഈ വാര്ഷികാചാരങ്ങള്ക്കിടയില് കേരളത്തിന്റെ മത്സ്യമേഖല എത്തിനില്ക്കുന്ന അവസ്ഥയെക്കുറിച്ചുളള ആശങ്കകള്ക്ക് വേണ്ടത്ര പ്രാധാന്യം ലഭിക്കുന്നില്ല.
മേരി റോയി- യുദ്ധങ്ങള് നിറഞ്ഞ ഒരു ജീവിതം
അസാധാരണമാണ് മേരി റോയിയുടെ ജീവിതം
പ്രാതിക്യൂലങ്ങളോട് യുദ്ധം ചെയ്ത ഒരു ജീവിതം
ഞാന് ഒരു കമ്യൂണിസ്റ്റ് ആയിരുന്നില്ല
ഞാന് ഒരുകാലത്തും ഒരു കമ്യൂണിസ്റ്റായിരുന്നില്ല. എന്നുമാത്രമല്ല പല കമ്യൂണിസ്റ്റ് സിദ്ധാന്തങ്ങളോടും തികഞ്ഞ എതിര്പ്പുമുണ്ടായിരുന്നു. ഇ.എം.എസിനേയും ഇതേക്കുറിച്ച് വ്യക്തമായ ധാരണയുണ്ടായിരുന്നു. സംസ്ഥാന ഭരണത്തിന്റെ കാര്യങ്ങളില് അഭിപ്രായ ഐക്യം ഉണ്ടായിരുന്നെങ്കിലും രക്തരൂക്ഷിത വിപ്ലവത്തിലൂടെ അധികാരം പിടിച്ചെടുക്കുക തുടങ്ങിയ ആശയങ്ങളോട് ഒരു യോജിപ്പുമുണ്ടായിരുന്നില്ല. ഈ കാര്യങ്ങളില് ഞാന് ഏറിയ കൂറും ഒരു ഗാന്ധിയനായിരുന്നുവെന്നും ഇ.എം.എസിന് അറിയുമായിരുന്നു.
ഇനിയും പഠിക്കാത്ത പാഠങ്ങള്
വര്ഷത്തില് ആറു മാസത്തോളം മഴ ലഭിക്കുന്ന കേരളം ആളോഹരി
കുടിവെളള ലഭ്യതയുടെ കാര്യത്തില് രാജസ്ഥാനേക്കാള് പിറകിലാവുന്നത് എന്തുകൊണ്ടാണ്?.
പ്ലാച്ചിമട നിവാസികള്ക്ക് 216 കടലാസ് കോടി
പ്ലാച്ചിമടയില് കൊക്കൊ കോളാ കമ്പിനി വരുത്തിവെച്ച നാശനഷ്ടങ്ങളെക്കുറിച്ച് പഠിക്കാനായി കേരള സര്ക്കാര് നിയോഗിച്ച ഹൈ പവര് കമ്മറ്റിയുടെ റിപ്പോര്ട്ട് തികച്ചും സ്വാഗതാര്ഹമാണ്. എന്നാല് പ്ലാച്ചിമടയിലെ പ്രകൃതിക്കും മനുഷ്യനും ഉണ്ടായ കഷ്ടനഷ്ടങ്ങള് രൂപാ കണക്കില് വിലയിരുത്തിയിരിക്കുന്നു എന്നതൊഴിച്ചാല് പ്ലാച്ചിമട സമരവുമായി ബന്ധപ്പെട്ടവര്ക്കും അതിന്റെ ഗതിവിഗതികള് ശ്രദ്ധിച്ചിരുന്നവര്ക്കും പുതുതായി ഏറെയൊന്നുമില്ല ഈ റിപ്പോര്ട്ടില്. തങ്ങളുടെ വാദങ്ങള് തെളിയിക്കപ്പെടവുന്നതാണെന്ന ആത്മവിശ്വാസം ഉണ്ടായിരുന്നെങ്കില്, കമ്മറ്റി, തെളിവുകള് നിരത്തി സ്വന്തം ഭാഗം വാദിച്ചു ജയിക്കേണ്ട ബാധ്യത എല്ലാംകൊണ്ടും ദുര്ബലരായ പ്ലാച്ചിമട നിവാസികളുടെ മേല് എന്തിനു കെട്ടിവച്ചു?
പ്ലാച്ചിമടയില് നിന്ന് പുതുശ്ശേരിയിലേയ്ക്കുള്ള ദൂരം
പ്രകൃതിയോടും പ്ലാച്ചിമടയിലെ ജനങ്ങളോടും കണക്കാക്കാവുന്നതിലും അപ്പുറമുള്ള അപരാധങ്ങളാണ് കൊക്കൊകോള കമ്പിനി ചെയ്തതെന്ന് സംസ്ഥാന സര്ക്കാര് നിയമിച്ച ഹൈപവര് കമ്മറ്റി അസന്നിഗ്ധമാം വിധം സ്ഥിരീകരിച്ചിരിക്കുന്നു. കൊക്കകോളയും പെപ്സികോളയും ഇരട്ടപെറ്റ സഹോദരങ്ങളാണ്. ജലമലിനീകരണത്തിലും ജലചൂഷണത്തിലും തുല്യ പങ്കാളികള്. പ്ലാച്ചിമടയില് സംഭവിച്ചത് പുതിശ്ശേരിയില് ആവര്ത്തിക്കില്ലെന്ന് ഉറപ്പു വരുത്തേണ്ടതുണ്ട്.
ഭോപ്പാല് പോരാട്ടം യൗവനതീക്ഷ്ണതയില്
ഭോപ്പാല് ദുരന്തത്തില് നിന്ന് രക്ഷപ്പെട്ട, പരിസ്ഥിതി രംഗത്തെ
നോബല്സമ്മാനം എന്നറിയപ്പെടുന്ന ഗോള്ഡ്മാന് അവാര്ഡ് നേടിയ റഷീദാബിയും ചമ്പാദേവിയും ദുരന്തബാധിതര്ക്കായുളള
പോരാട്ടത്തിന്റെ സമകാലികാവസ്ഥയെക്കുറിച്ചു സംസാരിക്കുന്നു.
മണിപ്പുരി ഒരു നൃത്തമല്ല
വിഘടനവാദികളെ ഒതുക്കിത്തീര്ക്കാനാണ് കേന്ദ്രസര്ക്കാര് സുരക്ഷാസേനയെ പ്രത്യേകാധികാരങ്ങള് നല്കി മണിപ്പൂര് ഉള്പ്പെടെയുളള വടക്കുകിഴക്കന് സംസ്ഥാനങ്ങളിലേയ്ക്ക് അയച്ചത്. സായുധസേനയ്ക്ക് സംശയം തോന്നുന്ന പക്ഷം ആരെ വേണമെങ്കലും എപ്പോള്വേണമെങ്കിലും വെടിവെച്ചു കൊല്ലാം, വാറന്റില്ലാതെ വീടുകള് പരിശോധിക്കാം, വീടുകള് നശിപ്പിക്കാം, ജനങ്ങളെ കസ്റ്റഡിയിലെടുക്കാം, ചോദ്യം ചെയ്യാം. അതേസമയം, സേനയുടെ ഭാഗത്തു നിന്ന് അതിക്രമങ്ങള് ഉണ്ടായാല് അതിനെതിരെ കോടതിയെ സമീപിക്കാനാവില്ല. സേനയുടെ വ്യാപകമായ സാന്നിദ്ധ്യം കാര്യങ്ങള് കൂടുതല് വഷളാക്കുകയാണ് ചെയ്തത്. കലാപകാരികള്ക്കെതിരെ സായുധസേന നടത്തുന്ന വെടിവയ്പ്പില് നിരപരാധികള് കൊല്ലപ്പെടുന്ന സംഭവങ്ങള് നിരന്തരം റിപ്പോര്ട്ടു ചെയ്യപ്പെടുന്നു. കഴിഞ്ഞ ആറു ദശകത്തിനുളളില് 25000 പേര് മരിച്ചു
സാമ്പത്തിക മാന്ദ്യത്തിന് സി.ഡി.എസ്. ചികിത്സ
ദീര്ഘകാലം നീണ്ടുനില്ക്കാന് എല്ലാ സാധ്യതകളുമുളള സാമ്പത്തിക മാന്ദ്യം ഇന്ത്യയേയും ആഗിരണം ചെയ്തു തുടങ്ങിയിരിക്കുന്നു. ഈ ഗുരുതരമായ പ്രശ്നം കേരളത്തെ ഏതൊക്കെ രീതിയില് ബാധിക്കുമെന്ന് പഠിച്ച് പ്രതിവിധികള് നിര്ദ്ദേശിക്കാന് സംസ്ഥാനസര്ക്കാര് ആവശ്യപ്പെട്ടതനുസരിച്ച് തിരുവനന്തപുരം ആസ്ഥാനമായി പ്രവര്ത്തിക്കുന്ന സെറ്റര് ഫോര് ഡവലപ്മെറ്റ് സ്റ്റഡീസ്, വിശദമായ ഒരു റിപ്പോര്ട്ട് ഡിസംബര് മൂന്നാം വാരത്തില് സര്ക്കാരിനു സമര്പ്പിക്കുയുണ്ടായി. റിപ്പോര്ട്ടിനെക്കുറിച്ച്
ഈ വംശഹത്യ ഭീകരവാദമല്ലേ?
പെണ്ഭ്രൂണഹത്യ കാരണം പെണ്കുഞ്ഞുങ്ങളുടെ ജീവിക്കാനുളള അവകാശം ലംഘിക്കപ്പെടുന്നതിനു പുറമെ, സ്ത്രീകളുടെ എണ്ണം കുറയുകയും സ്ത്രീകള്ക്ക് നേരെയുളള അതിക്രമങ്ങള് വര്ധിക്കുകയും സമൂഹത്തില് സ്ത്രീകളുടെ സ്ഥാനം വീണ്ടും താഴുകയും ചെയ്യുന്നതായി പഠനങ്ങള് വ്യക്തമാക്കുന്നുണ്ട്.
കേന്ദ്രം കേരളത്തെ ഇല്ലായ്മ ചെയ്യുകയാണോ?
കഴിഞ്ഞ കുറേക്കാലമായി രാഷ്ട്രത്തിന്റെ ഫെഡറല് സ്വഭാവത്തെ ക്രമാനുഗതമായി മാറ്റിമറിക്കുന്ന നയമാണ് കേന്ദ്രസര്ക്കാര് പിന്തുടരുന്നത്. അധികാരങ്ങള് കവര്ന്നെടുക്കുന്നത് എല്ലാ സംസ്ഥാനങ്ങളേയും ബാധിക്കുമെങ്കിലും ഭൂമിശാസ്ത്രപരമായും സാമൂഹികമായും രാഷ്ട്രീയപരമായും കേരളത്തിനുള്ള പ്രത്യേകതകള് മൂലം കേന്ദ്രത്തിന്റെ 'കേന്ദ്രീകരണ' പ്രവണത എറ്റവും ആഘാതമുണ്ടാക്കുന്നത് കേരളത്തിന്മേലാണ്.
കൊക്കകോളയും ജനാധിപത്യവും
കൊക്കകോള ഫാക്ടറി കൊണ്ടുളള വിപത്ത് പ്ലാച്ചിമടയിലെ ഏതാനും ആദിവാസികളുടെ കുടിവെളളം മുട്ടിക്കുന്നുവെങ്കിലത് വികസനത്തിനു നല്കേണ്ട വിലയായി കണക്കാക്കി അവഗണിക്കാമെന്ന് കരുതിയിരുന്നവരുടെ കണക്കുകൂട്ടലുകള് പാളി.
'ക്രിയാത്മകമായ ഇടപെടലാണ് ആത്മീയത'
ക്രൂരമായ യാഥാര്ഥ്യങ്ങളെ മാറ്റിമറിക്കുന്നതിനുള്ള സര്ഗാത്മകമായ ഇടപെടലായി ദൈവത്തെ തിരിച്ചറിയുമ്പോള്, ആധിപത്യ സാമൂഹിക വ്യവസ്ഥകള്ക്കു നേരെയുള്ള പ്രതികരണമായി, ചലനാത്മകമായൊരു ആത്മീയതയെ നമുക്കു സങ്കല്പ്പിക്കാനാവുന്നു.എണ്പതുകളില് മത്സ്യത്തൊഴിലാളി സമരങ്ങളിലൂടെ മാധ്യമങ്ങളില് നിറഞ്ഞുനിന്ന സിസ്റ്റര് ആലീസ് ഇന്നും മനുഷ്യനും മനുഷ്യനും തമ്മിലുള്ള ബന്ധങ്ങളെ സ്നേഹത്തിന്റെ ഭാഷയില് വിപ്ലവവല്കരിക്കുന്ന പ്രവര്ത്തനങ്ങളിലാണ് ഏര്പ്പെട്ടിരുക്കുന്നത്. വിമോചന ദൈവശാസ്ത്രം മുതല് സഭയുടെയും സമൂഹത്തിന്റെയും സ്ത്രീകളോടുള്ള നിലപാടുകളെക്കുറിച്ച് സംസാരിക്കുകയാണ് സിസ്റ്റര് ആലീസ് ഈ അഭിമുഖത്തില്
ദാരിദ്ര്യത്തിന്റെ നിര്മാണ കേന്ദ്രങ്ങള്
വിദേശനാണ്യം സമ്പാദിക്കാനായി സ്പെഷ്യല് ഇക്കണോമിക് സോണുകളുടെ എണ്ണം വര്ധിപ്പിക്കാന് കേന്ദ്ര സര്ക്കാര് തീരുമാനിച്ചിരിക്കുന്ന പശ്ചാത്തലത്തില് കൊച്ചിയില് പ്രവര്ത്തിക്കുന്ന സോണിനെപ്പറ്റി ഒരു പഠനം.
സാനിറ്ററി നാപ്കിനുകളുടെ സാമൂഹികശാസ്ത്രം
ഭക്ഷണം, പാര്പ്പിടം എന്നിവയെപ്പോലെ വസ്ത്രവും മനുഷ്യന്റെ അടിസ്ഥാന ആവശ്യങ്ങളിലൊന്നാണെന്ന അവബോധം നമ്മുടെ വികസന നയങ്ങളില് പ്രതിഫലിക്കാത്തതു കൊണ്ടുതന്നെ, ശീതകാലത്തും മറ്റും വസ്ത്രമില്ലാതെ തണുത്തുവിറച്ച് മരിക്കുന്നവരുടെ കണക്കുകള് നമ്മള് രേഖപ്പെടുത്താറില്ല. അതുപോലെ തന്നെ, ആര്ത്തവശുചിത്വത്തിനായി വൃത്തിയുളള തുണിയോ സാനിറ്ററി നാപ്കിനുകളോ ഉപയോഗിക്കാനാവാതെ രോഗികളായി മാറുന്ന ദരിദ്ര സ്ത്രീകളുടെ ജീവിത ദുരന്തങ്ങളും ആരും പരിഗണിക്കാറില്ല. ആര്ത്തവം മാസംതോറും ആവര്ത്തിക്കുന്ന ഒരു പ്രകൃതിദുരന്തമായി സ്ത്രീകള്ക്കുമേല് നിപതിക്കുന്ന ഇന്ത്യനവസ്ഥയുടെ സാമൂഹികശാസ്ത്രത്തെക്കുറിച്ചാണ് വസ്ത്രദാനരംഗത്ത് പ്രവര്ത്തിക്കുന്ന സന്നദ്ധസംഘടനയുടെ തലവനായ അന്ശു കെ. ഗുപ്ത സംസാരിക്കുന്നത്.
ഒരു മലയാളി ഹിജഡ പറയുന്നത്..........
ലിംഗപദവിയെക്കുറിച്ചുളള ചര്ച്ചകളില് തേര്ഡ് ജന്ഡറിന്റെ
പ്രശ്നങ്ങള് പരിഗണിക്കപ്പെടാത്തതെന്തുകൊണ്ട്? ഒരു മലയാളി ഹിജഡയുടെ ആത്മകഥനത്തിലൂടെ മൂന്നാം ലിംഗ അവസ്ഥയുടെ വിഷമതകള് അനാവരണം ചെയ്യുപ്പെടുന്നു. സ്ത്രീ/പുരുഷന് എന്ന ലിംഗവിഭജനത്തിലൂന്നുന്ന അധികാര ബന്ധങ്ങളെയും, ലിംഗപദവിയെ സംബന്ധിച്ച പൊതുസമൂഹത്തിന്റെ മുന്വിധികളെയും ഹിജഡകളും അബോധമായെങ്കിലും പങ്കുപറ്റുന്നതെങ്ങനെയാണ് ഈ ആത്മകഥനം വ്യക്തമാക്കുന്നു. ലിംഗാവസ്ഥ സംബന്ധിച്ച മലയാളി സമൂഹത്തിന്റെ ധാരണകളെ വിചാരണ ചെയ്യുന്ന ആത്മകഥ.
മാലിന്യം വളരുന്നു; അതിര്ത്തികള് കടന്നും
മാലിന്യത്തിന്റെ കാര്യത്തില് കൊച്ചി കോര്പറേഷന് ഇതുവരെ കാണിച്ച അനാസ്ഥകൊണ്ടുമാത്രമാണ് കാര്യങ്ങള് ഇത്രയും വഷളായത്. നോക്കിയിരിക്കേ വളര്ന്നുകൊണ്ടിരിക്കുന്ന നഗരം. ഏഴുലക്ഷം ജനങ്ങള്. ഒരു ലക്ഷത്തോളം വരുന്ന ഫ്ളോട്ടിംഗ് പോപ്പുലേഷന്. പുതിയ പുതിയ ഫ്ളാറ്റുകള്, ഷോപ്പിംഗ് കോംപ്ലക്സുകള്, നിരവധി ആശുപത്രികള്.... ശരാശരി 380 ടണ് മാലിന്യമാണ് ഓരോ ദിവസവും ഈ നഗരം പുറന്തളളുന്നത്. ഇന്ത്യയില്ത്തന്നെ പ്രതിശീര്ഷ മാലിന്യ ഉല്പാദനം വളരെ കൂടുതലുളള നഗരങ്ങളില് ഒന്ന്. എന്നിട്ടും നഗരത്തിന്റെ വികസനം ആസൂത്രണം ചെയ്യപ്പെടുമ്പോള് മാലിന്യ നിര്മാര്ജനം എന്ന വിഷയം അത് അര്ഹിക്കുന്ന ഗൗരവത്തോടെ പരിഗണിച്ചുകാണാറില്ല.
The Quest Features and Footage
30/1896, Sarvamangala, MLA Road, Post Chevayur, Kozhikode 673017, Kerala, India
email: info@questfeatures.org